Charta qua Leatvicis et filii ejus Geraldus et Gaucerannus dant monasterio Cluniacensi ecclesiam sancti Christophori de Lissiaco.
Auctoritate antiquorum patrum, ut supra. Ego in Dei nomine, Leatvicis et filii mei Geraldus atque Gaucerannus, pro remedio anima
rum omnium fidelium, donamus Deo et loco qui vocatur nomine Cluniacus, monasterium dicatum in honore apostolorum Petri et Pauli, cui preest domnus Odilo abba, ecclesiam in villa quę noncupatur Lissiacus, et est consecrata in honore sancti Christophori, martiris, cum suis apendiciis, plantarium quod est subtus ecclesia et salzetum totum, et desuper ecclesiam unam vineam, et in alio loco terram arabilem. Testes Leatvicis cum filiis suis et Rodoardus, Ademarus, Arnardus, Umbertus, Adraldus, Durannus, Girardus presbiter.